Malalim na Palaisipan

Minsan nagugulo ang aking isipan, hinahanap pa rin ng isip ang kasagutan, sa mga tanong na tila wala namang kasagutan.  Paano nga ba pananatilihin ang puso ay payapa? Paano nga ba hindi maghahangad ng karangyaan sa buhay... Paano nga ba iisiping mas gusto ang payak at simple kaysa sa kagandahan ng magarbong mga bagay?

Hindi matanggap ng aking isipan na dapat na lang tanggapin ang ganitong bagay, na dapat na lang ganito ang gawin na dapat na lang tanggapin kung wala ay wala.. di ba dapat pagsumikapan na makamit at maabot ang karangyaan at tagumpay na inaasam?

Hindi na minsan maisip kung anong gagawin para lang maabot ang katagumpayan na gustong marating. Maraming nasa isipan ngunit tila walang naabot ang iniisip na maaring maging kasagutan..
Parang palaging bitin ang mga hakbang, parang tila lagi na lang kulang... ano nga ba.. ano nga bang dapat gawin?